ABŞ

Toydan sonra nağara: Tramp İranla bağlı qətnaməni dəstəkləyən senatorları qınadı

24 İyun 2026 09:32

ABŞ prezidenti Donald Tramp müharibə səlahiyyətlərinin məhdudlaşdırılması ilə bağlı qətnamənin vaxtında verilmədiyini və mənasız olduğunu, onu dəstəkləyən senatorların bununla Vaşinqtonun əleyhdarlarına kömək etdiyini bildirib.

Publika.az xəbər verir ki, Tramp çərşənbə günü “Truth Social”da yazıb:

"Bu senatorlar mənim işimi çətinləşdiriblər, amma mən bu və ya digər şəkildə bunun öhdəsindən gələcəyəm, çünki mən həmişə bunun öhdəsindən gəlirəm".

Amerika lideri vurğulayıb ki, Tehran artıq Vaşinqtona "onilliklər ərzində ilk dəfə olaraq ABŞ-a və onun prezidentinə hörmət göstərərək demək olar ki, hər şeyi" verməyə hazırdır. O əlavə edib ki, ABŞ qüvvələrindən İrana qarşı döyüş əməliyyatları aparmaq üçün istifadə etməyi dayandırmağa çağıran qətnamə üzrə səsvermə "vaxtında olmayan və mənasızdır".

Prezidentin sözlərinə görə, qətnaməyə səs verən senatorlar "düşmənə kömək və dəstək verirlər".

Müəllif: Tural