ABŞ-dan daha şiddətli zəlzələ XƏBƏRDARLIĞI - Dağıntılar olacaq

Venesuelada yenidən güclü zəlzələlərin baş verməsi riski var.

Publika.az xəbər verir ki, bu barədə ABŞ Geoloji Xidmətinin zəlzələ təhlükələri proqramı koordinatorunun köməkçisi Uilyam Barnhart xəbərdarlıq edib.

"Onların bəzilərinin (afterşokların — red.) torpaqda güclü titrəyişlərə və əlavə dağıntılara səbəb olacaq qədər şiddətli olacağı ehtimal edilir", - deyə mütəxəssis proqnozlaşdırıb.

İyunun 25-i, cümə axşamına keçən gecə Venesuelada dağıdıcı zəlzələlər seriyası baş verib. ABŞ Geoloji Xidmətinin qiymətləndirmələrinə görə, birincinin maqnitudası 7,2, ikincinin isə 7,5-ə çatıb. Bundan sonra daha 30 yeraltı təkan qeydə alınıb.

Son məlumatlara görə, azı 200 nəfəri xilas etmək mümkün olmayıb, daha 1000 nəfərdən çox sakin xəsarət alıb. Zəlzələ evləri dağıdıb, yollara və xəstəxanalara ziyan vurub.

Hakimiyyət orqanları ölkənin əsas hava limanını bağlamaq məcburiyyətində qalıb.

Mütəxəssislər yeraltı təkanların vurduğu ziyanın ölkə ÜDM-nin 20 faizinə çatacağını gözləyirlər.

Hüseyn İbadlı