Pentaqonun 38,3 milyard dollara ehtiyacı var

Ağ Evin İdarəetmə və Büdcə Ofisi tərəfindən təqdim edilən sənədə görə, ABŞ administrasiyası İrana qarşı "Epik Qəzəb" əməliyyatının xərclərini ödəmək üçün Pentaqona əlavə 38,3 milyard dollar ayrılması üçün Konqresə müraciət edib.

Publika.az xəbər verir ki, bu məbləğə sursat arsenalının bərpası üçün 21 milyard dollar və İranla münaqişə ilə bağlı əməliyyat xərclərinin ödənilməsi üçün 17,3 milyard dollar daxildir.

Ümumilikdə, Konqresdən Pentaqona əlavə 67,1 milyard dollar ayırmağı nəzərdən keçirməsi xahiş olunur. Bu məbləğə həmçinin məxfi proqramlar çərçivəsində inkişaf üçün 12,1 milyard dollar, kibertəhlükəsizlik və digər sistemlər üçün 5,1 milyard dollar, hava hədəflərini aşkarlamaq və kosmik məlumatların ötürülməsi üçün peyk şəbəkəsinin yaradılması üçün 4 milyard dollar, dronların istehsalı üçün 2,4 milyard dollar və döyüş hazırlığının saxlanılması, yanacaq alınması, inzibati tapşırıqlar və Milli Qvardiyaya dəstək üçün 5,2 milyard dollar daxildir.

May ayında Pentaqon "Epik Qəzəb" əməliyyatının xərclərini 29 milyard dollar olaraq qiymətləndirib, lakin bu rəqəmin yekun olmadığı bildirilib. Bu həftə Strateji və Beynəlxalq Araşdırmalar Mərkəzi (CSIS) əməliyyat xərcini istifadə olunan sursatın dəyəri də daxil olmaqla, 36 milyard ilə 42 milyard dollar arasında qiymətləndirdi.