Bill Qeyts eşq macərası yaşadığı rus qadınlarla xanımına xəyanət edib - ETİRAF

"Microsoft"un qurucusu Bill Qeyts ABŞ Konqresindəki dindirmə zamanı qalmaqallı maliyyəçi Ceffri Epşteynin onun həyat yoldaşına xəyanət etdiyini öyrəndiyini və buna görə onu şantaj etməyə çalışdığını bildirib.

Publika.az xəbər verir ki, bu barədə "New York Post" dinləmələrin dərc olunmuş stenoqramına istinadla məlumat yayıb.

Çıxışı zamanı Qeyts ilk dəfə evliliyi dövründə eşq macərası yaşadığı iki rusiyalı qadının şəxsiyyətini açıqlayıb. Söhbət bric oyunçusu Mila Antonova və alim Kərimə Niğmətulinadan gedir.

"Epşteyn mənim üzərimdə təzyiq göstərmək və onunla əlaqələri bərpa etməyə məcbur etmək üçün mənim xəyanətlərim haqqında məlumatdan, habelə üzərinə əlavə etdiyi çoxsaylı yalanlardan istifadə etməyə çalışırdı", - deyə Qeyts bildirib.

Microsoft-un qurucusu cinsi qısnama ittihamlarını rədd edib, lakin etiraf edib ki, Epşteynlə görüşləri zamanı bilməyərəkdən sonradan onun qurbanları kimi tanınan insanların yanında ola bilərdi. Onun sözlərinə görə, dörd il ərzində o, maliyyəçi ilə təxminən 12-14 dəfə görüşüb, həmçinin iki dəfə onunla Skype vasitəsilə danışıb.

Hüseyn İbadlı