Tramp ICE direktoru postuna namizəd göstərdi

ABŞ Prezidenti Donald Tramp Lens Şroyeri ABŞ İmmiqrasiya və Gömrük Nəzarəti Xidmətinin (ICE) direktoru vəzifəsinə namizəd göstərib.

Publika.az xəbər verir ki, bu barədə Amerika lideri özünün "Truth Social" sosial şəbəkəsində məlumat verib.

Trampın sözlərinə görə, Şroyer Oklahoma ştatının hüquq-mühafizə orqanlarında təxminən 30 illik iş təcrübəsinə malikdir. O, polisdə xidmətə başlamazdan əvvəl ABŞ Dəniz Piyadaları Korpusunda xidmət keçib. Ağ Evin rəhbəri həmçinin namizədi vətənpərvər adlandırıb və onun qeyri-qanuni miqrasiya ilə mübarizə sahəsindəki təcrübəsini vurğulayıb. Trampın sözlərinə görə, Şroyer qeyri-qanuni miqrantların ölkədən çıxarılması üçün lazımi bacarıqlara malikdir.

ICE rəhbəri postu qurumun əvvəlki rəhbəri Todd Layons may ayında vəzifəsindən getdikdən sonra vakant qalıb.

İmmiqrasiya idarəsinin işi ABŞ-da dəfələrlə tənqid obyektinə çevrilib. Belə ki, yanvarın sonunda ABŞ immiqrasiya xidmətinin əməkdaşı Minneapolisdə qeyri-qanuni miqrantların axtarışı üzrə əməliyyatın davam etdiyi etiraz aksiyaları zamanı bir kişiyə atəş açıb. Bu, oxşar ilk hadisə deyil: bir neçə həftə əvvəl xidmət əməkdaşları 37 yaşlı qadına da atəş açmışdılar.