Lindsi Qrem ölümündən əvvəl Trampa nə deyib?

ABŞ Prezidenti Donald Tramp bəyan edib ki, şənbə günü axşam, siyasətçinin qəfil ölümündən bir neçə saat əvvəl Cənubi Karolinanı təmsil edən senator Lindsi Qrem ilə danışıb.

Publika.az xəbər verir ki, Tramp "Meet the Press" verilişinə müsahibəsində danışıq zamanı Qremin yorğun olduğunu söyləsə də, normal göründüyünü bildirib.

"Yorğun olmasından başqa, o, yaxşı idi", - deyən Tramp senatorun ölümünün "sürətli bir son" olduğunu və "bəlkə də getməyin ən pis yolu olmadığını" əlavə edib.

ABŞ prezidenti Qremi özünün yaxın dostu adlandırıb və onu "ailə üzvü kimi" qəbul etdiyini söyləyib. Trampın sözlərinə görə, onlar mütəmadi olaraq bir-birinə zəng edir və birlikdə qolf oynayırdılar.

Trampın bildirdiyinə görə, siyasətçilərin son söhbəti ABŞ-də seçkilərin keçirilməsi qaydalarında dəyişiklikləri nəzərdə tutan, lakin hələlik Senatda kifayət qədər dəstəyi olmayan "SAVE America Act" qanun layihəsinə həsr olunub.

"O dedi ki, yorğundur, amma "SAVE America Act"-i qəbul etmək istəyirdi. Mən cavab verdim: "Biz buna nail olacağıq, Lindsi. Biz bunu edəcəyik. Tezliklə görüşərik"", - deyə Tramp danışıb.

Hüseyn İbadlı