İran unikal fürsəti əldən verdi - Trampı NATO sammiti zamanı öldürmək istəyiblər

İranın Türkiyənin paytaxtı Ankara şəhərində keçirilən NATO sammiti zamanı ABŞ prezidenti Donald Trampa sui-qəsd planlaşdırdığı iddia edilir.

Publika.az xəbər verir ki, bu barədə İsrailin “12-ci kanal”ı məlumat yayıb.

Jurnalistlərin məlumatına görə, bu cür planlar barədə məlumat İran rabitə kanalları üzrə ələ keçirilmiş danışıqlardan əldə edilib. Bu məlumatlara görə, Tehran Amerika liderinin Türkiyənin paytaxtına səfərini unikal bir fürsət kimi qiymətləndirib.

Materialdan belə məlum olur ki, mümkün sui-qəsd haqqında məlumat prezident təyyarəsinin dəyişdirilməsi qərarına təsir göstərib. Belə ki, Tramp sammiti Qətərin hədiyyə etdiyi yeni laynerlə deyil, köhnə "Air Force One" ilə tərk edib. Ağ ev rəhbəri jurnalistlər onun təyyarəyə qalxmasını trapda lentə almağa macal tapmamış təyyarəyə minib. Telekanalın məlumatına görə, bu, standart protokoldan kənara çıxma kimi qiymətləndirilib.

Bir gün əvvəl "The Wall Street Journal" qəzeti ABŞ-ın İran tərəfindən Trampın həyatına olan təhlükəni uydurma hesab etdiyini yazmışdı. Lakin nəşrin qeyd etdiyi kimi, Yaxın Şərqdə hərbi əməliyyatların bərpası fonunda bu məlumatlar Ağ Ev rəhbərinin təyyarəni dəyişməsi üçün kifayət edib, çünki yeni təyyarə təhlükəsizlik baxımından lazımi səviyyədə təchiz olunmamışdı.

Hüseyn İbadlı