Qremin ölümü Ukrayna üçün ağır zərbə oldu: Onu əvəz edəcək şəxs yoxdur

ABŞ senatoru Lindsi Qremin ölümü Ukrayna üçün ciddi itki hesab olunur.

Publika.az "Politico"ya istinadla xəbər verir ki, Kiyev Vaşinqtondakı əsas müttəfiqlərindən birini itirsə də, Tramp administrasiyası və Konqreslə əməkdaşlığı davam etdirərək Rusiyaya təzyiqlərin artırılacağına ümid edir.

Nəşr qeyd edib ki, Qrem Donald Tramp və Vladimir Zelenski arasında mühüm vasitəçi idi və 2025-ci ildə ABŞ-la Ukrayna arasında faydalı qazıntılar üzrə sazişin hazırlanmasında da rol oynamışdı.

ABŞ-ın keçmiş rəsmilərindən biri bildirib ki, Ukraynanın Trampı yaxşı anlayan siyasətçilərə ehtiyacı var idi və Qremin ölümü bu baxımdan ciddi boşluq yaradıb.

Bundan başqa, Kiyevdə senatorun təşəbbüsü ilə hazırlanmış Rusiyaya qarşı sanksiyalar paketinin taleyi ilə bağlı da narahatlıq var. Mənbələrin sözlərinə görə, Tramp qanun layihəsini dəstəkləsə belə, onun imzalanmasını gecikdirə və ya sanksiyaların tətbiqini uzada bilər.

Bununla yanaşı, Avropa diplomatları hesab edirlər ki, ABŞ Konqresində Ukraynanı dəstəkləyən digər siyasətçilər də var və onlar gələcəkdə Qremin rolunu qismən əvəz edə bilərlər.