Maduro hakim qarşısına çıxarılır - Tarixi açıqlandı
Bizi izləyin
Zəfaran

ABŞ

Maduro hakim qarşısına çıxarılır - Tarixi açıqlandı

Maduro hakim qarşısına çıxarılır - Tarixi açıqlandı

Narkoterrorizmdə, silah qaçaqmalçılığında və narkotik ticarətində ittiham olunan Venesuela Prezidenti Nikolas Maduronun işi üzrə dinləmələr iyulun 22-də Nyu-York məhkəməsində keçiriləcək.

Publika.az xəbər verir ki, bu barədə "RİA Novosti" məlumat yayıb.

Əvvəlcə məhkəmə iclasının iyunun 30-da keçirilməsi planlaşdırılmışdı. Lakin iyunun 16-da prokurorluq onun üç həftə sonraya təxirə salınması üçün vəsatət qaldırıb. Prokuror Cey Kleyton təxirə salınma xahişini planlaşdırma və logistika məsələlərinin həlli, eləcə də təhlükəsizliyin təmin edilməsi ilə izah edib.

Nyu-Yorkun Cənub Dairə Məhkəməsinin hakimi Alvin Hellerstayn prokurorluğun vəsatəti ilə razılaşıb.

Xatırladaq ki, yanvarın 3-də ABŞ Silahlı Qüvvələri Venesuelada əməliyyat keçirib; həmin əməliyyat zamanı prezident və həyat yoldaşı "Delta" xüsusi təyinatlı dəstəsi tərəfindən ələ keçirilərək Birləşmiş Ştatlara aparılıb və orada onlara qarşı ittihamlar irəli sürülüb.

Hüseyn İbadlı

Oxumağa davam et
Reklam
Reklam

Gündəm

Səba