11-ci zərbələr dalğası - İranda haralar vuruldu?

Amerika qoşunları İran ərazisinə ardıcıl 11-ci zərbələr dalğasını başa çatdırıb.

Publika.az xəbər verir ki, bu barədə X sosial şəbəkəsindəki səhifəsində ABŞ Silahlı Qüvvələrinin Mərkəzi Komandanlığı (CENTCOM) məlumat yayıb.

Hücumlar iyulun 22-də Bakı vaxtı ilə saat 4:00-da başa çatıb. İranda hərbi əməliyyatların idarəetmə mərkəzlərinə, hərbi-dəniz obyektlərinə, aviasiya anqarlarına, dron anbarlarına və hərbi logistika infrastrukturuna uğurlu zərbələr endirilib.

CENTCOM qeyd edib ki, İranın Hörmüz boğazında ticarət gəmiçiliyini təhdid etmək qabiliyyəti daha da zəiflədiləcək.

İyulun 21-də Birləşmiş Ştatların Prezidenti Donald Tramp bəyanıb ki, Vaşinqton İrandakı hərbi əməliyyatın başa çatmasından uzaqdır. Bundan əlavə, o bildirib ki, amerikalı qoşunlar Tehranın ehtimal ki, nüvə silahının hazırlanması üçün istifadə etdiyi obyekti hədəfə ala bilər. Bu barədə məlumatı Vaşinqtonu İrana qarşı miqyaslı zərbələri bərpa etməyə sövq etməyə çalışan İsrail ötürüb.

Hüseyn İbadlı