Tamamilə çılpaq olan qadın saxlanıldı, polisi silah anbarına apardı

ABŞ-ın Missisipi ştatında çılpaq şəkildə saxlanılan qadın polisi silah anbarına aparıb.

Publika.az xəbər verir ki, "Daily Star" qəzetinin verdiyi məlumata görə, hadisə 12 iyulda Ellisvilldə baş verib. Hüquq-mühafizə orqanlarının əməkdaşları yolda qəribə manevrlər edən bir SUV-u görüblər. Onlar 22 yaşlı Keytlin Maksvellin idarə etdiyi avtomobili saxlayıblar. O, tamamilə çılpaq olub və avtomobilin içərisində qanunsuz maddələr və odlu silahlar tapılıb.

Bunlara biri avtomatik atəşə çevrilmiş iki AR-15 tüfəngi və üç “Glock” tapançası daxil idi.

Saxlanılan şəxsin alkoqol testindən imtina etdiyi vurğulanır. O, dindirilməyə göndərilib və sorğu zamanı 24 yaşlı sevgilisinin silahı modifikasiya etdiyini etiraf edib. Maksvellin izah etdiyi kimi, gənc oğlan lazımi hissələri 3D printerdən istifadə edərək hazırlayıb.

Bu fonda polis kişinin evində axtarış apararaq bir neçə silah tapıb və müsadirə edib. Həm qadın, həm də sevgilisi həbsxanaya aparılıb. Girov məbləği 35.000 dollar müəyyən edilib.

ABŞ-ın hazırkı qanunu vətəndaşlara 1986-cı ildən sonra istehsal olunmuş avtomatik silahlara sahib olmağı qadağan edir. Yarıavtomat silahın avtomatik silaha çevrilməsi ciddi cinayət hesab olunur. Bundan əlavə, Missisipi ştatında 2024-cü ildən bəri silahın avtomatik silaha çevrilməsi üçün avadanlıqların saxlanmasını və istifadəsini cinayət hesab edən qanun qüvvədədir.

Müəllif: Tural