Ağ Evdəki şam yeməyindən əvvəl narahatlıq: İran Trampı öldürmək istəyir

ABŞ Məxfi Xidməti, Ağ Ev Müxbirləri Assosiasiyasının şam yeməyindən əvvəl təhlükəsizliyi gücləndirir.

Publika.az xəbər verir ki, direktor Şon Kurran bunu 24 illik xidmətində ən yüksək təhlükə səviyyəsini adlandırıb.

Onun sözlərini “Bloomberg” sitat gətirib. Kurran bildirib ki, 24 iyul cümə günü planlaşdırılan şam yeməyindən əvvəlki vəziyyət "normaldan kənara" çıxıb. Xüsusilə, o, hazırda "24 illik karyerasının ən yüksək təhlükə səviyyəsini" yaşadığını qeyd edib.

"Hazırda yüksək təhlükə vəziyyətindəyik", - deyə o etiraf edib.

ABŞ Gizli Xidmətinin direktoru qeyd edib ki, vəziyyət təkcə ABŞ prezidenti Donald Tramp üçün deyil, həm də mühafizə altında olan digər şəxslər, eləcə də yerli məmurlar üçün də qeyri-sabitləşib.

Direktor müavini Metyu Kuinn təhdidi digər ölkələrdən gələn düşmənçiliklə əlaqələndirib. Xüsusilə, o, İranın Trampa sui-qəsd etmək niyyətini açıq şəkildə elan etdiyini vurğulayıb və əlavə edib ki, agentliyin ətraflı açıqlamaya bilmədiyi kəşfiyyat məlumatlarını da təhlil edir. O, dronlardan gələn potensial təhlükəni prioritet adlandırıb.

"Bunun ABŞ-a çatması yalnız an məsələsidir", - deyə o əlavə edib.

Anonimlik şərti ilə danışan Gizli Xidmət rəsmisi agentliyin bu il təxminən 10.000 təhdidlə bağlı iş qaldırdığı və qoruyucu kəşfiyyat işlərinin sayının ötən illə müqayisədə təxminən 40% artdığını bildirib.

Müəllif: Tural