Müttəfiqlər arasında ƏSƏN YELLƏR - Tramp Netanyahu ilə danışmaq istəmir

ABŞ Prezidenti Donald Tramp İrana qarşı birgə hərbi əməliyyatın başlamasından sonra İsrailin Baş naziri Binyamin Netanyahudan məyus olub.

Publika.az xəbər verir ki, "The Wall Street Journal" nəşri ABŞ administrasiyasının yüksək vəzifəli rəsmilərinə istinadən yazır ki, Ağ Evin rəhbəri İsrail liderinin hərəkətlərindən dəfələrlə narazılığını ifadə edib və köməkçilərinə onunla görüşmək və ya danışmaq istəmədiyini bildirib.

Vaşinqton və Tehran arasında İsrailin fəal şəkildə iştirak etdiyi münaqişənin gəskinləşməsi iki müttəfik arasında münasibətlərin ciddi şəkildə soyumasına səbəb olub. Nəşrin məlumatına görə, Tramp Netanyahunun mövqeyinə qarşı açıq qıcıq nümayiş etdirir ki, bu da ikitərəfli dialoqda misli görünməmiş gərginlik yaradır.

Ünsiyyətin nümayişkaranə şəkildə kəsilməsinə baxmayaraq, ABŞ Prezidenti şəxsi görüş üçün imkan saxlayıb. "Axios" portalına müsahibəsində Tramp bildirib ki, əgər İsrailin Baş naziri senator Lindsi Qremin dəfn mərasiminə gələrsə, onunla görüşməyə hazırdır. Vida mərasimi iyulun 28-də Vaşinqtonda keçiriləcək.

Tramp və Netanyahunun mümkün görüşü baş tutacağı təqdirdə, ehtimal olunan danışıqların təfərrüatları hələlik açıqlanmır. Hər iki tərəfin nümayəndələri WSJ-nin iki ölkə liderinin münasibətlərinin cari statusu ilə bağlı məlumatlarını şərh etməyiblər.

Hüseyn İbadlı