Tramp İranı irimiqyaslı müharibə ilə hədələdi

ABŞ tərəfi istədiyinə yüzdə yüz nail olmasa, İrana qarşı irimiqyaslı hərbi əməliyyatları bərpa edəcək.

Publika.az xəbər verir ki, bu barədə Birləşmiş Ştatların Prezidenti Donald Tramp "Fransa LCI" telekanalının jurnalisti Sonya Dridi ilə telefon danışığı zamanı bildirib.

O, "X" sosial şəbəkəsində yazıb ki, Tramp ABŞ-ın İrana konkret olaraq hansı tələbləri irəli sürdüyünü dəqiqləşdirməyib.

Bundan əvvəl "Axios" portalı məlumat yayıb ki, ABŞ Prezidenti iyulun 25-nə keçən gecə təxminən iki həftə davam edən İrana qarşı hava zərbələrinin dayandırılması barədə göstəriş verib. Bu addım Oman nümayəndələrinin Tehranda danışıqlar apardığı vaxt atılıb. Həmin görüş zamanı Hörmüz boğazından gəmiçiliyin mümkün bərpası məsələsində müəyyən nəticələr əldə olunub.

"Axios"un fikrincə, ABŞ-ın İslam Respublikasına zərbələri dayandırması Amerika administrasiyasının diplomatik tənzimləmə üçün şərait yaratmağa hazır olduğundan, həmçinin mövcud hərbi əməliyyatların miqyasının öz effektivlik həddinə çatmasından xəbər verə bilər.

Hüseyn İbadlı