İrana qarşı zərbələr bu səbəbdən ləğv edilib

Ağ Ev ABŞ Prezidenti Donald Trampın münaqişənin diplomatiya yolu ilə həllinə meyilli ola bilməsi səbəbindən İrana qarşı növbəti gecə zərbələri endirməkdən imtina edib.

Publika.az xəbər verir ki, bu barədə mənbələrə istinadla "Axios" nəşri məlumat yayıb.

Mənbələr bildirirlər ki, İrana qarşı gecə hücumunun başlamasına bir neçə saat qalmış Oman nümayəndə heyətinin Tehranla danışıqlar zamanı irəliləyiş əldə etdiyi məlum olub.

Qeyd olunub ki, hər gün Tramp şəxsən İrana qarşı yeni zərbələr dalğasının endirilməsi barədə əmr verirdi. Nəşrin məlumatına görə, prezident Amerika hərbçilərinə İslam Respublikasına qarşı əməliyyatın mümkün genişləndirilməsinə hazırlaşmağı tapşırmayıb. Mənbə iddia edir ki, ABŞ-ın hərbi fəallığı istənilən an yenidən bərpa oluna bilər.

Bir gün əvvəl Tramp bəyan etmişdi ki, əgər Amerika tərəfi Tehrandan istənilən nəticənin 100 faizini əldə etməsə, ABŞ İrana qarşı miqyaslı döyüş əməliyyatlarını bərpa edəcək. Tramp ABŞ-ın İrana məhz hansı tələbləri irəli sürdüyünü dəqiqləşdirməyib.

Hüseyn İbadlı