Tramp 100 illik ənənəyə meydan oxudu: Statistikaya rəğmən qalib gələcəyik!

ABŞ prezidenti Donald Tramp Respublikaçılar Partiyasının Konqresə aralıq seçkilərində qalib gələcəyinə ümid etdiyini bildirib.

Publika.az xəbər verir ki, o, partiyanın əleyhinə işləyən əsas amilin son 100 ilin siyasi ənənəsi olduğunu deyib.

Trampın sözlərinə görə, ABŞ tarixində hakim prezidentin partiyası son yüz ildə demək olar ki, bütün aralıq seçkilərində məğlub olub. Buna baxmayaraq, o hesab edir ki, administrasiyasının əldə etdiyi nəticələr respublikaçıların qələbəsinə kömək edəcək.

ABŞ lideri uğurlar sırasında vergilərin azaldılmasını və ölkənin hərbi gücünün artırılmasını qeyd edib. O, demokratların isə uğursuz namizədlər səbəbindən mövqelərini zəiflətdiklərini iddia edib.

Konqresə aralıq seçkilər noyabrın 3-də keçiriləcək. Siyasi ekspertlər respublikaçıların mümkün məğlubiyyətini İranla müharibənin yaratdığı narazılıq və qiymət artımı ilə əlaqələndirirlər.

Buna baxmayaraq, Ağ ev nikbin mövqeyini qoruyur. Lakin son sorğular Tramp administrasiyasına dəstəyin azaldığını göstərir.

Müəllif: Adəm