Məhkəmədən qərar: Trampın bal zalının inşası dayandırıldı

Avqustun 7-də ABŞ-ın federal apellyasiya məhkəməsi Prezident Donald Trampın Ağ Evdə tikdirmək istədiyi böyük bal zalının inşasını dayandırıb.

Publika.az xəbər verir ki, məhkəmə apreldə çıxarılmış tikintinin dayandırılması barədə qərarı qüvvədə saxlayıb və hökumətə Ali Məhkəməyə müraciət etmək üçün 14 gün vaxt verib.

Bildirilib ki, qərarın səbəbi Tramp administrasiyasının işlərə Konqresin razılığı olmadan başlamasıdır.

"Ağ Evi – xalqın evini – prezidentin şəxsi istəklərinə uyğun şəkildə yenidən layihələndirmək, dəyişdirmək və yenidən tikmək üçün məhdudiyyətsiz səlahiyyəti yoxdur", - məhkəmənin qərarında deyilib.

Məsələyə reaksiya verən Tramp özünün "Truth Social" sosial şəbəkəsində bildirib ki, qərardan dərhal ABŞ Ali Məhkəməsinə şikayət verəcəklərini bildirib. Onun sözlərinə görə, Ordu və Məxfi Xidmət bu qərarı siyasi motivli və qanunsuz hesab edir.

O, sözügedən layihənin şəxsi arzusu olmadığı, milli təhlükəsizlik baxımından vacib olduğu ilə bağlı iddiasını yeniləyib və binada pilotsuz uçuş aparatları üçün platforma, eləcə də digər hərbi avadanlıqların quraşdırılmalı olduğunu vurğulayıb.

Qeyd edək ki, layihənin 400 milyon dollara başa gələcəyi bildirilirdi.