ABŞ

Tramp özünü İranın “bankiri” elan etdi: Güclü zərbə vura bilərik

11 Avqust 2026 17:37

ABŞ prezidenti Donald Tramp İran iqtisadiyyatının ağır vəziyyətdə olduğunu və ölkəyə qarşı tətbiq edilən təzyiqlərin nəticə verdiyini bildirib.

Publika.az xəbər verir ki, Tramp "Real America’s Voice" radiostansiyasına müsahibəsində İranda inflyasiyanın 300 faizə çatdığını, milli valyutanın isə demək olar ki, dəyərsiz olduğunu deyib.

ABŞ lideri İranın borc ala bilmədiyini və Vaşinqtonun Tehranın böyük məbləğdə maliyyə vəsaitlərinə nəzarət etdiyini bildirib. Özünü “İranın bankiri” adlandıran Tramp "onların pulu çox idi, amma biz hamısına tam nəzarət edirik, mən onların bankiriyəm", - deyə qeyd edib.

Tramp həmçinin İrana “güclü zərbə” endirilə biləcəyini də istisna etməyib. O, ABŞ-ın Hörmüz boğazına nəzarət etdiyini, Tehran hakimiyyətinin isə “müflis” vəziyyətdə olduğunu və pulunun qalmadığını vurğulayıb.

ABŞ prezidenti iqtisadi böhranın İran ordusuna da təsir etdiyini, hərbçilərin maaş ala bilmədiyi üçün ölkəni tərk etdiyini iddia edib.

Müəllif: Adəm