ABŞ prezidentinin təyyarəsi niyə gizlicə dəyişdirilib? - Tramp özü danışdı

ABŞ prezidenti Donald Tramp ona qarşı ictimaiyyətə açıqlanmayan çoxsaylı təhdidlərin olduğunu bildirib.

Publika.az xəbər verir ki, Tramp jurnalistlərin suallarını cavablandırarkən iyulun əvvəlində Türkiyədən gizli şəkildə başqa təyyarə ilə ayrıldığını təsdiqləyib.

Onun sözlərinə görə, bu qərarı ABŞ Məxfi Xidməti tövsiyə edib və prezidentin olduğu təyyarənin hədəfə çevrilə biləcəyi ehtimalı nəzərə alınıb.

Tramp təhlükənin konkret detalları barədə danışmayıb. Lakin o, riskin real olduğuna inandığını bildirib.

Daha əvvəl “The Washington Post” yazmışdı ki, NATO-nun Ankaradakı sammitindən sonra Tramp C-32A hərbi təyyarəsinə keçirilib. Məlumata görə, bu, İran tərəfindən mümkün təhlükə ilə bağlı həyata keçirilən gizli təhlükəsizlik əməliyyatının bir hissəsi olub.

Əməliyyat zamanı ictimaiyyətə Trampın əsas təyyarəsində olduğu görüntüsü yaradılıb. Məqsəd prezidentin real marşrutunu və yerini gizlətmək olub.

Tramp bildirib ki, təhlükənin bütün detallarını araşdırmayıb, lakin təhlükəsizlik xidmətlərinin qərarını əsaslı hesab edir.

Müəllif: Adəm