Bu, 30 gün ərzində başlaya bilər - Trampın kürəkəni elan etdi

ABŞ Prezidentinin xüsusi elçisi və kürəkəni Cared Kuşner Qəzza məsələsində qarşıdakı 30 gün ərzində irəliləyişin mümkün olduğunu bildirib.

Publika.az xəbər verir ki, Kuşner bu barədə İsrailin Baş naziri Benyamin Netanyahu ilə görüşü ilə bağlı “Fox News”a müsahibəsində danışıb.

Onun sözlərinə görə, yaxın vaxtlarda bəzi silahlar Qəzzadan çıxarıla, növbəti 60-90 gün ərzində isə bəzi tunellər doldurula bilər. Kuşner Netanyahu ilə görüş zamanı bir sıra ciddi narahatlıqların aradan qaldırıldığını qeyd edib.

Xüsusi elçi Qəzzanın yenidən qurulması planına sadiq qaldıqlarını, lakin ərazinin demilitarizasiyası təmin edilməyənədək bərpa işlərinə başlanılmayacağını vurğulayıb. O bildirib ki, heç kim terrorçuların nəzarətinə keçə və ya yenidən dağıdıla biləcək əraziyə əlavə maliyyə yatırmaq istəmir.

Kuşner həmçinin İsrailin təhlükə yaranacağı təqdirdə özünü müdafiə etmək hüququnun məhdudlaşdırılmayacağını deyib. Onun fikrincə, irəliləyiş qısa müddətdə mümkün olsa da, bunun üçün həm İsrailin, həm də qarşı tərəfin əməkdaşlığı zəruridir.