Məğlubedilməz “F-22”nin zəif nöqtəsi - Dördüncü nəsil qırıcı “beşincini” necə vurdu?

ABŞ-ın beşinci nəsil “F-22 Raptor” qırıcısı dördüncü nəsil “Eurofighter Typhoon” təyyarəsi tərəfindən şərti olaraq vurulub. Bu, yeni təyyarənin üstünlüklərinin olmadığını göstərib.

Publika.az xəbər verir ki, bu barədə “19FortyFive” nəşri məlumat yayıb.

“Almaniyanın “Eurofighter Typhoon” qırıcıları 2012-ci ildə Alyaskada keçirilən “Red Flag 12-2” təlimlərində yaxın hava döyüşü üzrə məşqlər zamanı ABŞ HHQ-nin “F-22 Raptor” təyyarələrinin “məhv edilməsini” imitasiya ediblər”, - deyə müəllif xatırladıb.

Həmin vaxt amerikalı icmalçılar qeyd edirdilər ki, “F-22” uzaq məsafələrdə üstünlük təşkil etməyə qadirdir, lakin yaxın döyüşdə o, dördüncü nəslin daha ucuz təyyarələri ilə eyni səviyyədədir.

Almaniyalı pilotlar hesabatda iddia edirdilər ki, yaxın hava döyüşündə “Typhoon” “F-22”dən geri qalmır, ayrı-ayrı aspektlərdə isə hətta onu üstələyir. Bununla belə, onlar vurğulayıblar ki, adi şəraitdə “Raptor”un güclü radarları rəqibi uzaq məsafədən aşkar edə bilərdi.

Hüseyn İbadlı