Tarixin ən böyük maliyyə hücumu - “Dan yeri söküləndə...”

ABŞ Prezidenti Donald Trampın administrasiyası avqustun 24-də İrana qarşı genişmiqyaslı maliyyə təzyiqinə keçməyi planlaşdırır.

Publika.az xəbər verir ki, bu barədə ABŞ-ınmaliyyə naziri Skott Bessent avqustun 23-də “X” sosial şəbəkəsində bildirib.

Onun sözlərinə görə, Vaşinqton Tehranla qarşıdurmanın “son mərhələsinə” daxil olur.

“Dan yeri söküləndə “D günü” — düşmənə qarşı indiyədək həyata keçirilmiş ən miqyaslı maliyyə hücumu başlayacaq”, - deyə amerikalı rəsmi qeyd edib.

Avqustun 20-də Tramp İrana qarşı “iqtisadi D günü” adlandırdığı yeni iqtisadi təzyiq kampaniyasını elan edib. ABŞ Prezidenti Vaşinqtonun Tehranı maksimum dərəcədə təcrid etməyə çalışacağını və onun ticarət, eləcə də maliyyə əlaqələrini saxlamasına kömək edən xarici qurumları cəzalandırmaq niyyətində olduğunu bəyan edib. Ehtimal olunan tədbirlər çərçivəsində İranla əməliyyat aparan banklar, şirkətlər, neft vasitəçiləri və digər iştirakçılar, o cümlədən Rusiya qurumları təzyiq mexanizmlərinə məruz qala bilər.

Avqustun 21-də İranın xarici işlər naziri Abbas Əraqçi ABŞ-ın İrana sanksiya təzyiqini artırmaq qərarının uğursuzluğa məhkum olduğunu bildirib.

Hüseyn İbadlı