ABŞ bu terrorçular barədə məlumat verənlərə 18 milyon dollar mükafat vəd etdi

ABŞ hakimiyyəti axtarışda olan iki terrorçu barədə məlumat verən şəxslərə ümumilikdə 18 milyon dollaradək mükafat təyin edib.

Publika.az xəbər verir ki, bu barədə ABŞ Ədliyyə Nazirliyi məlumat yayıb. Mükafatlar Əfqanıstanda fəaliyyət göstərən və Rusiyada terror təşkilatı kimi qadağan edilən “İslam Dövləti” qruplaşmasının “Vilayət Xorasan” qanadının iki nümayəndəsi barədə məlumat əldə etmək məqsədi daşıyır.

ABŞ hakimiyyəti qruplaşmanın liderlərindən biri hesab edilən Sənəullah Qafari, digər adı ilə Şahab əl-Mühacir barədə məlumat üçün 8 milyon dollaradək (13 milyon 600 min manat) mükafat təklif edib. Məlumata görə, o, 2020-ci ildə “Vilayət Xorasan”ın rəhbərliyinə daxil olub və qruplaşmanın Əfqanıstan ərazisindəki əməliyyatlarına cavabdeh olub.

Digər axtarılan şəxs isə Obaydullah, həmçinin Salahuddin və Mövləvi Rəcəb adları ilə tanınır. Onun tutulmasına imkan verəcək məlumat üçün 10 milyon dollaradək (17 milyon manat) mükafat vəd edilib.

Beləliklə, ABŞ-ın iki şəxs barədə elan etdiyi mükafatın ümumi məbləği 18 milyon dollara (30 milyon 600 min manat) çatır.

Müəllif: Adəm