ABŞ-ın ordu naziri niyə istefa verdi?

ABŞ Quru Qoşunları naziri Den Driskoll istefa verib.

Publika.az xəbər verir ki, bu barədə “The Wall Street Journal” məlumat yayıb. Driskollun istefası daha sonra Ağ Ev tərəfindən də təsdiqlənib. Onun yaxın günlərdə Pentaqondakı vəzifəsini tərk edəcəyi bildirilib.

Driskollun istefasının ABŞ müdafiə naziri Pit Heqsetlə aylarla davam edən fikir ayrılıqları fonunda baş verdiyi bildirilir. Tərəflərin Quru Qoşunlarının gələcək istiqaməti, idarəetmə məsələləri və yüksək rütbəli hərbçilərlə bağlı kadr siyasəti barədə razılığa gələ bilmədiyi qeyd olunur.

Bununla belə, Ağ Ev Driskollun istefasının konkret səbəbini açıqlamayıb. Ağ Ev onun prezident Donald Trampın müdafiə gündəliyinin həyata keçirilməsində, hərbi hazırlığın gücləndirilməsində və Rusiya-Ukrayna danışıqlarında mühüm rol oynadığını bildirib.

Driskoll 2025-ci ilin fevralından ABŞ Quru Qoşunlarının rəhbəri vəzifəsində çalışırdı. Onun gedişi ABŞ ordusunda son dövrlərdə baş verən yüksək səviyyəli kadr dəyişikliklərinin davamı kimi qiymətləndirilir.