ABŞ

Tramp İranı daha sərt və genişmiqyaslı zərbələrlə HƏDƏLƏDİ

1 Sentyabr 2026 22:36

ABŞ Silahlı Qüvvələri hazırda İranın Hörmüz boğazı yaxınlığındakı obyektlərinə güclü və genişmiqyaslı zərbələr endirir və İran onlara cavab verməyə cəhd edəcəyi təqdirdə daha güclü zərbələr endiriləcək.

Publika.az xəbər verir ki, bu barədə ABŞ Prezidenti Donald Tramp "Truth Social" sosial şəbəkəsində yazıb.

"Zərbələr genişmiqyaslı və güclüdür, bunlar iranlıların boğazda (Hörmüz - red.) dəniz minaları yerləşdirmək cəhdinə cavabdır. Hazırda orada heç bir mina yoxdur – onların hamısı tamamilə çıxarılıb və ya məhv edilib! Həmçinin bu zərbələr iranlıların İordaniyadakı hərbi bazamıza atdığı və uğurla ələ keçirilən səkkiz raketə cavabdır", - ABŞ lideri qeyd edib.

Onun sözlərinə görə, əgər İran cavab addımları atsa, ABŞ təkrar, daha sərt və genişmiqyaslı zərbə endirəcək:

"Bu, hələ bütün zərbələrin ən böyüyü deyil - o, öz vaxtını gözləyir və zamanı gələndə, İrandan geriyə çox az şey qalacaq!"