Trampın təsviri sikkələrin üzərinə həkk edildi - FOTO

ABŞ-da ölkə müstəqilliyinin 250 illiyinə həsr olunmuş, üzərində Prezident Donald Trampın təsviri olan qızılı rəngli bir dollarlıq sikkələr buraxılıb. Onları Birləşmiş Ştatların Zərbxanasının rəsmi saytından əldə etmək mümkündür — 25 sikkəlik rulon 61 dollar, 100 sikkəlik kisə isə 154,5 dollardır.

Publika.az xəbər verir ki, söhbət son 100 ildə ilk dəfə sağ olan Amerika prezidentinin təsvirinin sikkə üzərində yer almasından gedir. 1926-cı ildə dövrün dövlət başçısı Kalvin Kulicin təsvirinin yer aldığı sikkənin buraxılışı ABŞ müstəqilliyinin 150 illiyinə həsr olunmuşdu.

Trampın təsvirinin Amerika pullarında yer alması son aylarda müzakirə mövzusuna çevrilib, bu müzakirələrdə Maliyyə Nazirliyinin rəhbəri Skott Bessent də fəal iştirak edir. May ayında “The Washington Post” qəzeti Ağ Evin fəaliyyətdə olan prezidentin portreti əks olunmuş 250 dollarlıq əskinasın buraxılmasında təkid etdiyini yazmışdı.

Həmçinin son zamanlar ABŞ ölkə Prezidenti Donald Trampın imzası olan 100 dollarlıq əskinaslar buraxmağa başlayıb. Adətən Amerika əskinaslarında maliyyə naziri və ABŞ xəzinədarının imzaları yer alır, lakin ölkə müstəqilliyinin 250 illiyi münasibətilə ilk dəfə dövlət başçısının da avtoqrafının yer aldığı əskinas təqdim olunub.

“Düşünürəm ki, insanlar prezidentin imzası olan əskinasları saxlamaq istəyəcəklər”, — deyə Bessent bununla bağlı qeyd edib.

Hüseyn İbadlı