ABŞ

Baydenin oğlu prezident olmaq istəyir

6 Sentyabr 2026 09:55

ABŞ-ın keçmiş prezidenti Co Baydenin oğlu Hanter Bayden növbəti dəfə medianın gündəminə gəlib.

Publika.az "New York Post"a istinadən xəbər verir ki, bu dəfə o, ölkənin ən yüksək vəzifəsinə namizədliyini irəli sürə biləcəyini gizlətməyib. Hanter jurnalist Con Ketsimatidisə müsahibəsində qeyd edib ki, seçkilərə qatılmaqla asılılıqdan əziyyət çəkən (Zərərli vərdişlər və ya narkotik asılılığından əziyyət çəkənlər-red.) insanların maraqlarını təmsil edə bilər.

"Əgər sizdən(Katsimadisdən-red.)dəstək görsəm, seçkilərdə iştirak edə, namizədliyini irəli sürə bilərəm. Ən böyük narahatlığım hələ də asılılıqdan əziyyət çəkən 50 milyon amerikalıdır", - deyə kiçik Bayden siyasi ambisiyaları ilə bağlı sualı cavablandırarkən bildirib.

Keçmişdə narkotik asılılığından əziyyət çəkdiyini açıq şəkildə etiraf edən Co Baydenin oğlu potensial tərəfdarlarını da açıqlayıb.

Hanter əlavə edib ki, yeddi ildən çoxdur ki, narkotik və ya spirtli içki istifadə etmir.

Müəllif: Tural