Trampdan amerikalılara seçki vədi: Qalib gəlsə, hər kəsə pul veriləcək - Məbləği də açıqladı

ABŞ Prezidenti Donald Tramp Respublikaçılar Partiyasının Konqresin hər iki palatasına nəzarəti qoruyacağı təqdirdə, ölkənin bütün yetkin vətəndaşlarına 5 min dollar ödəyəcəyini vəd edib.

Publika.az xəbər verir ki, Tramp bu barədə aralıq seçkilər ərəfəsində hakim Respublikaçılar Partiyasının Dallasda keçirilən milli qurultayında çıxışı zamanı danışıb.

O bildirib ki, Respublikaçılar Nümayəndələr Palatası və Senatda qalib gəlsələr, ABŞ-ın iqtisadi uğurlarından əldə olunan nəticələr hesabına hər bir yetkin vətəndaşa 5 min dollar məbləğində “dividend” veriləcək. Tramp bu ödənişi “Tramp dividendləri” adlandırıb.

ABŞ Prezidenti həmçinin vətəndaşların əldə edəcəkləri vəsaiti ölkə daxilində xərcləməli olacaqlarını da vurğulayıb. Təklifin necə maliyyələşdiriləcəyi və həyata keçiriləcəyi ilə bağlı isə əlavə detallar açıqlanmayıb.

Qeyd edək ki, Konqresin aralıq seçkiləri noyabrın 3-də keçiriləcək. Seçkilərdə Senatın 100 üzvündən 33-ü və Nümayəndələr Palatasının 435 üzvü yenidən seçiləcək.