Cənab, bəlkə bunu sonra edək? - Trampdan İrana hücumu təxirə salmağı kim xahiş edib?

ABŞ prezidenti Donald Tramp bildirib ki, maliyyə naziri Skott Bessent ondan İrana hücumu təxirə salmağı xahiş edib, lakin o, razılaşmayıb.

Publika.az xəbər verir ki, Tramp Respublikaçıların Milli Konqresində çıxışı zamanı Bessentin sualını sitat gətirərək deyib:

"Skott əla maliyyəçidir, o, mənə dedi: “Cənab, bəlkə bunu sonra edə bilərik? Bir az gözləyə biləcəyimizi düşünmürsünüzmü?”.

Amerika lideri bunun mümkün olmadığını vurğulayıb. Tramp əlavə edib ki, "Mən "yox" dedim, çünki əgər biz onları indi vurmasaq, bir ay ərzində nüvə silahlarına sahib olacaqlar".

O, İrana hansı hücumdan danışdığını dəqiqləşdirməyib.

18 iyun gecəsi Tehran və Vaşinqton 28 fevralda başlayan münaqişəyə son qoymaq üçün memorandum imzaladılar. Lakin ABŞ ordusu iyul ayında İrana qarşı bir neçə seriya zərbə endirdi. ABŞ Mərkəzi Komandanlığı bunun İranın Hörmüz boğazından keçən ticarət gəmilərinə qarşı hərəkətlərinə cavab olaraq edildiyini iddia etdi.

Tehran buna cavab olaraq bir neçə Yaxın Şərq ölkəsindəki ABŞ bazalarına zərbələr endirib, Hörmüz boğazını bağlayıb və Vaşinqtonu atəşkəs razılaşmasını pozmaqda günahlandırıb.

Bu fonda Tramp avqustun 19-da İranın iqtisadi təcridinə doğru irəliləyəcəyini açıqladı.

Müəllif: Tural