Ağ Evdə intriqa: Moskva və Kiyevlə danışıq aparanlar dəyişəcək?

ABŞ Prezidenti Donald Trampın xüsusi elçiləri Stiv Uitkoff və Cared Kuşnerin Moskva və Kiyevə səfərlərindən sonra beynəlxalq mətbuatda olduqca maraqlı xəbərlər yayılır.

Publika.az xəbər verir ki, məlumata görə, ABŞ Mərkəzi Kəşfiyyat İdarəsinin rəhbəri Con Retkliff Ukrayna münaqişəsinin həlli üçün danışıqlar prosesində daha fəal rol oynamağa hazırlaşır.

Lakin Prezident Tramp hələ də Retkliffin Amerika danışıqlar qrupuna daxil edilməsi ilə bağlı yekun qərar verməyib.

“Financial Times” bildirir ki, Ağ Ev uzun müddətdir ki, Ukrayna münaqişəsinin həlli ilə məşğul olan qrupa dəyişiklik və ya əlavələr etmək imkanlarını araşdırır. Bu, xüsusilə ABŞ-İran qarşıdurması fonunda aktuallaşıb. Məqalədə həmçinin deyilir ki, Retkliff və Uitkoff arasında Amerika danışıqlar qrupunun rəhbəri statusu uğrunda mübarizə gedir.

Nəşr qeyd edir ki, Tramp administrasiyası müxtəlif ssenariləri nəzərdən keçirir. Moskva və Vaşinqton arasında diplomatik dialoq üçün kanal açmaq məqsədilə ABŞ-ın Rusiyaya yeni səfirinin təyin edilməsi məsələsi də müzakirə olunur. Uitkoff Yaxın Şərq münaqişələrinin həllinə diqqət yetirmək üçün xüsusi elçi vəzifəsini qorumağa ümid edir. Eyni zamanda, o, həmçinin Ratklifflə paralel olaraq fəaliyyət göstərərək Ukrayna nizamlama komandasında işləməyə davam edə bilər. Xatırladaq ki, Amerika kəşfiyyat icmasının yüksək vəzifəli rəsmisi avqustun sonlarında Moskvada idi. Amma Ağ Evdən təkzib verilib.

Ağ Evin mətbuat katibinin müavini Anna Kelli sosial media səhifəsində b xəbəri təkzib edib. Kelli paylaşımında Kuşner və Uitkoffun bu istiqamətdə işləməyə davam etdiyini bildirib. O, FT-nin anonim mənbələrini prosesdən xəbəri olmayan aşağı səviyyəli mənbələr kimi təsvir edib. Eyni zamanda, o, jurnalın Ağ Evin məqalədəki məlumatlara şərh verməkdən imtina etməsi ilə bağlı açıqlamasının reallıqla heç bir əlaqəsi olmadığını, çünki məqalə dərc edildikdən sonra onlara yazılı şərh tələbi edildiyini bildirib.

Müəllif: Tural