Tramp: Kanada ABŞ ştatına çevrilməlidir

ABŞ Prezidenti Donald Tramp Kanada avtomobil istehsalçılarını qorumaq üçün Kanadanın ABŞ-ın ştatına çevrilməli olduğunu bildirib.

Publika.az xəbər verir ki, Tramp bu barədə "WABC" radiostansiyasına müsahibəsində bildirib.

“Kanada uzun illərdir bizi soyur. Bunlar iş görməyin ən çətin olduğu insanlardır. Onlar bunun üçün haqları olduğunu düşünürlər. Onlar ştat olmalıdırlar”, - deyə ABŞ lideri söyləyib.

Tramp daha əvvəl də dəfələrlə Kanadanın ABŞ-a birləşdirilməsi ideyasını gündəmə gətirib. O, həmçinin Kanada şirkətlərinə rüsumlardan yayınmaq üçün fəaliyyətlərini ABŞ-a köçürməyi təklif edib.

ABŞ-Kanada arasında ticarət danışıqlarının nəticəsiz qalmasından sonra iki ölkə qarşılıqlı rüsumlar tətbiq etməyə başlayıb. Sentyabrın 8-də Kanadanın ABŞ məhsullarına tətbiq etdiyi 15-50 faizlik cavab rüsumları qüvvəyə minib.

Tramp isə 2027-ci il yanvarın 1-dən Kanada avtomobilləri, avtomobil hissələri və poladına 50 faizlik rüsum tətbiq etməyi planlaşdırdığını açıqlayıb.