Trampın oğlunun toy qalmaqalı böyüyür: Putinin adamı ilə bağlı izahat istənildi

Putinlə əlaqələndirilən rusiyalı iş adamının Donald Trampın oğlunun toy mərasimini maliyyələşdirməsi ABŞ-da siyasi suallar yaradıb.

Publika.az xəbər verir ki, bu barədə “The Guardian” yazıb.

Daha əvvəl xəbər verdiyimiz kimi, Beynəlxalq Boks Assosiasiyasının prezidenti Umar Kremlyov Donald Tramp Jr. və həyat yoldaşı Bettinanın toy sonrası iki günlük tədbirinin xərclərini qarşılayıb. Buraya özəl adanın icarəsi və atəşfəşanlıq da daxil olub. Kremlyovun Vladimir Putinin siyasi və biznes çevrəsi ilə əlaqəli olduğu bildirilir.

Hadisə ABŞ Konqresində də diqqət çəkib. Demokrat konqresmen Robert Qarsia Trampın oğluna məktub göndərərək, Putinlə əlaqələndirilən şəxsdən bahalı hədiyyə qəbul edilməsinin milli təhlükəsizlik və korrupsiya ilə bağlı ciddi suallar doğurduğunu bildirib.

Tramp Jr.-ın atasına siyasi məsələlərdə, o cümlədən bəzi kadr seçimlərində məsləhətlər verdiyi qeyd olunur. Buna görə də demokratlar mümkün xarici təsir məsələsinin araşdırılmasını tələb edirlər.

Donald Tramp isə Kremlyovu oğlunun yaxın dostu kimi tanımadığını bildirib.

Akqabay