Trampın helikopteri jurnalistin xarici görünüşünə zərər vurdu

ABŞ Prezidenti Donald Trampın havalanan helikopterinin yaratdığı hava axını “Real America's Voice” media platformasının jurnalisti Teylor Mitçellin quraşdırma kirpiyini uçurub.

Publika.az xəbər verir ki, bu barədə o, “X” sosial şəbəkəsində məlumat verib.

Jurnalistin paylaşdığı kadrlardan görünür ki, havalanan prezident helikopterinin pərlərinin yaratdığı güclü hava axını Mitçellin quraşdırma kirpiyini uçurub. İkinci quraşdırma kirpiyin taleyi məlum deyil. İnsident nəticəsində başqa “zərərçəkənlərin” olub-olmadığı da naməlum qalır.

Sentyabrın 21-də xəbər verilmişdi ki, Ağ Evin ABC, CBS, CNN, Fox News və ABC telekanallarını təmsil edən mətbuat cameəsinin əməkdaşları akkreditasiya ilə bağlı qalmaqaldan sonra CNN telekanalının komandasını əvəz etməkdən imtina ediblər.

Sentyabrın 18-də Tramp CNN, MS NOW telekanallarını və “Politico” nəşrini Ağ Evə daxil olmaq hüququndan məhrum etmək qərarına gəlib. Dövlət başçısı bu KİV-ləri “yalançı” adlandırıb, çünki onlar onun administrasiyası haqqında saxta xəbərlər yazırlar. Tramp vurğulayıb ki, digər KİV-lər də onların arxasınca gedə bilər.

Hüseyn İbadlı