Tramp jurnalistə əsəbiləşdi və təhqir etdi: Xəstə və iyrənc!

ABŞ prezidenti Donald Tramp səhhəti ilə bağlı sual verən jurnalistə sərt cavab verib. O, həm müxbiri, həm də onu səfərlərdə müşayiət edən digər media nümayəndələrini təhqir edib.

Publika.az xəbər verir ki, Tramp bir ay ərzində 28 seçkiqabağı mitinqdə iştirak etməsinə baxmayaraq, özünü əla hiss etdiyini bildirib. Ağ Ev rəhbərinin sözlərinə görə, səhhəti yaxşıdır və bu, onun xarici görünüşündən də bəllidir.

Lakin “Reuters” agentliyinin müxbirinin səhhəti ilə bağlı əlavə sualı prezidentin qəzəbinə səbəb olub. Jurnalist Trampa Kanzas ştatında ləğv edilmiş çıxışını xatırladıb.

Buna cavab olaraq Tramp müxbiri “xəstə” adlandırıb, “Reuters” agentliyinin fəaliyyətini isə “iyrənc” kimi qiymətləndirib.

ABŞ lideri jurnalistin özünün də dəhşətli formada olduğunu söyləyib. Daha sonra səfərlərdə onu müşayiət edən media nümayəndələrinə müraciət edərək, öz formalarına diqqət yetirməyi tövsiyə edib və onların “lənətə gəlmiş dərəcədə pis göründüklərini” bildirib.

Müəllif: Adəm