Nişanlısına təcavüz etməsi üçün internetdən adam tutdu - 23 yaşlı oğlanın şok əməli

ABŞ-da 23 yaşlı oğlan nişanlısını cinsi təcavüzə məruz qoyması üçün internetdə tanımadığı şəxslə razılaşıb.

Publika.az xəbər verir ki, hadisə oktyabrın 16-da Arizona ştatının Bakay şəhərində baş verib. İki uşağı ilə evdə olan qadının mənzilinə qəfil daxil olan naməlum şəxs ona hücum edib. Qadın müqavimət göstərə və polisə zəng edə bilib. Hücum edən şəxs isə polis gələnədək hadisə yerindən qaçıb.

Ertəsi gün polis 20 yaşlı şübhəlini saxlayıb. O, ifadəsində qadına hücum etməzdən əvvəl onun nişanlısı ilə internetdə tanış olduğunu və aralarında bu barədə razılaşma əldə edildiyini bildirib.

Polis hər iki şəxsin yazışmalarını araşdıraraq planlaşdırılan hücumla bağlı razılaşmalarını təsdiqləyən sübutlar aşkarlayıb. Onların bu addımı hansı səbəbdən planlaşdırdıqları isə naməlumdur.

23 yaşlı oğlan seksual zorakılıq, seksual zorakılığa cəhd və cinayət sövdələşməsi də daxil olmaqla bir sıra ittihamlarla həbs edilib. Hücumu törədən şəxsin hansı məsuliyyətə cəlb olunacağı barədə məlumat verilməyib.

Ləman