ABŞ-da bir gündə 3 nəfər edam edildi

ABŞ-ın Florida, Alabama və İndiana ştatlarında eyni gündə üç ölüm hökmü icra edilib.

Publika.az xəbər verir ki, bu barədə “Associated Press” (AP) agentliyi məlumat yayıb.

Məlumata görə, 2004-cü ildə 75 yaşlı Ceki Melounun qətlində təqsirli bilinən 64 yaşlı Cessi Quardodo Floridada edam edilib. O, qadının evinə soxularaq onu bıçaqlayaraq öldürüb, sonra isə zinət əşyaları və pul oğurlayıb. Quardodo edamından əvvəl qurbanın ailəsindən və öz qohumlarından üzr istəyib.

Quardodonun edamı 2026-cı ilin əvvəlindən bəri Floridada 19-cu edamdır və bu, ştatın 2025-ci ildəki rekordunu təkrarlayır. Florida bu il ABŞ-da həyata keçirilən 35 edamın yarısından çoxunu həyata keçirib və ilin sonuna qədər daha iki edamın icrası planlaşdırılır.

Alabamada 54 yaşlı Maykl Teylora ölümcül iynə vurulub. 1991-ci ildə, 19 yaşında ikən, soyğun zamanı 83 yaşlı İvan Mur və 79 yaşlı həyat yoldaşını metal çubuqla döyüb. Hər ikisi aldıqları xəsarətlərdən ölüb.

İndiana ştatında 2010-cu ildə sevgilisinin iki uşağının ölümünə səbəb olan evi yandırmaqda təqsirli bilinən 50 yaşlı Ceffri Veyşeyti edam edilib.

O, günahını etiraf etsə də, vəkilləri onun ölüm hökmünün ömürlük həbs cəzası ilə əvəz edilməsini istəyiblər. Qubernator Mayk Braun əfv tələbini rədd edib.

AP qeyd edir ki, ABŞ-da eyni gündə üç ştatda üç edam hadisəsi nadir hal olaraq qalır. Sonuncu dəfə oxşar hadisə 2010-cu ildə baş vermişdi.

Müəllif: Tural