Tramp icazə verdi: Vens İranın kəşfiyyat rəhbərləri ilə şəxsən görüşəcək

ABŞ-ın vitse-prezidenti Cey Di Vens İranın yüksək vəzifəli təhlükəsizlik rəsmisi ilə üzbəüz danışıqlar aparmağı düşünür.

Publika.az xəbər verir ki, bu barədə “The Wall Street Journal” nəşri məlumatlı mənbələrə istinadən yazıb.

"Vitse-prezident Cey Di Vens Respublikaçılar Partiyasının məsuliyyəti hesab etdiyi müharibəyə son qoymaq məqsədilə İranın yüksək vəzifəli təhlükəsizlik rəsmisi ilə şəxsi danışıqlar aparmağı düşünür", - nəşr qeyd edib.

Qəzetin mənbələrinə görə, son günlərdə ABŞ prezidenti Donald Tramp ən yüksək vəzifəli köməkçilərinə və həmkarlarına Vensin İranla danışıqları bərpa etməsinə açıq olduğunu bildirib və ona danışıqlara rəhbərlik etmək səlahiyyəti verib.

Mənbələr qeyd edib ki, Vens və İran rəsmiləri görüşməyə razı olarsa, Qətərin paytaxtı Doha danışıqların növbəti mərhələsi üçün mümkün məkan kimi nəzərdən keçirilir.

Oktyabr ayında ABŞ vitse-prezidenti İranın Ali Milli Təhlükəsizlik Şurasının katibi Möhsün Rezaiyə görüş tələb edən məktub göndərib.

Görüşün tarixi hələlik müəyyən edilməyib, lakin ölkələr vasitəçilər və müttəfiqlər vasitəsilə bundan sonra nə baş verəcəyi barədə danışıqlar aparırlar.

Ötən həftə Vens ABŞ-İran münaqişəsinin bir çox respublikaçı seçicinin ara seçkilərdə Demokratlara səs verməsinin səbəbi olduğunu bildirib.

Müəllif: Tural