Casus qalmaqalı fonunda “Nvidia”nın baş direktoru istefa verdi

Amerikanın “Nvidia” şirkəti baş direktoru Censen Huanq istefa verib.

Publika.az xəbər verir ki, bu barədə “Bloomberg” məlumat yayıb.

Qeyd olunub ki, “Nvidia”nın direktorlar şurası daimi baş direktor axtarışına başlayacaq, həm şirkətdaxili, həm də kənar namizədləri nəzərdən keçirəcək. Baş direktor vəzifəsinin müvəqqəti icrası maliyyə direktoru Kolet Kressə həvalə edilib.

Noyabrın əvvəlində ABŞ-ın qrafik prosessorları istehsalçısı “Nvidia” şirkətin baş direktoru Censen Huanqa qarşı Çinin ehtimal olunan casusluq əməliyyatı barədə məlumatların yayılmasından sonra müstəqil araşdırmaya başlayıb. Buna ABŞ xüsusi xidmət orqanlarının Çin kəşfiyyatı ilə əməkdaşlıqda şübhəli bildiyi sahibkar Elis Huanqla onun romantik münasibətləri barədə yayılan məlumatlar səbəb olub.

Huanq açıq məktubunda “Nvidia” əməkdaşlarına həyat yoldaşına xəyanət etdiyini etiraf edib. O, həmkarlarından, direktorlar şurasından və səhmdarlardan üzr istəyərək onların etimadını bərpa etmək üçün çalışacağına söz verib.

Hüseyn İbadlı