"SpaceX" mümkünsüzü bacardı - "Starship" xüsusi platforma vasitəsi ilə tutuldu

"SpaceX" şirkəti sınaq uçuşunu başa vurduqdan sonra "Starship" kosmik gəmisini ilk dəfə tutmağa nail olub.

Publika.az xəbər verir ki, uçuşun canlı yayımı şirkətin "X" sosial şəbəkəsindəki səhifəsində yayımlanıb.

Canlı yayım zamanı şərhçi bildirib ki, kosmik gəmi xüsusi "Mechazilla" platforması tərəfindən tutulub. Beləliklə, "Starship"in uçuşu 22,5 saat davam edib. Bu müddət ərzində gəmi 26 "Starlink" peykini orbitə çıxarıb və Yer ətrafında 14 dövrə vurub.

Noyabrın 14-də "SpaceX" şirkəti "Starship" kosmik gəmisi ilə daşıyıcı raketi 15-ci sınaq uçuşuna göndərib. Lakin sınaq başladıqdan 10 dəqiqə sonra "Starship"in raket gücləndiricisi Meksika körfəzi üzərində partlayaraq yerə düşüb. Buraxılış zamanı raketin hər iki pilləsi Texasdakı bazaya qayıtmalı idi, lakin birinci pillə körfəzin şelf zonasına düşüb. Buna baxmayaraq, kosmik gəmi uçuşunu davam etdirərək orbitə çıxıb.

Starship-in əvvəlki buraxılışı sentyabrın 28-də həyata keçirilib. Həmin vaxt ilk dəfə olaraq 26 Starlink internet peyki daşıyan gəmi orbitə göndərilib. Lakin gəmi səbəbi açıqlanmadan planlaşdırılandan yeddi saat əvvəl orbitdən çıxarılıb. Sakit okeana eniş zamanı isə partlayıb.

Hüseyn İbadlı