Art

Tanınmış pianoçu Adilə Əliyevanın ustad dərsləri keçiriləcək

26 Fevral 2020 16:43

Mədəniyyət Nazirliyi tərəfindən uşaq musiqi, incəsənət və rəssamlıq məktəblərində təlim-tərbiyə prosesinin təkmilləşdirilməsi, tədrisin keyfiyyətinin yüksəldilməsi, müəllimlərin peşəkarlıq səviyyələrinin artırılması və onlara metodiki köməklik göstərilməsi məqsədilə respublikanın aparıcı təhsil müəssisələrinin təcrübəli müəllimlərinin, tanınmış incəsənət xadimlərinin iştirakı ilə uşaq musiqi və incəsənət məktəblərinin şagird və müəllimləri üçün mütəmadi olaraq ustad dərsləri təşkil edilir.

Bu işlərin davamı olaraq, Mədəniyyət Nazirliyinin dəstəyi ilə Fransada yaşayan həmvətənimiz, Azərbaycan Respublikasının Əməkdar artisti, Fransa Ali Beynəlxalq Musiqi Akademiyasının direktoru, tanınmış azərbaycanlı pianoçu Adilə Əliyevanın 2020-ci ilin 27, 28 və 29 fevral tarixlərində Bakı və Sumqayıt şəhərlərində uşaq musiqi və incəsənət məktəblərinin şagird və müəllimləri üçün ustad dərsləri keçiriləcəkdir.

Ustad dərslərində iştirak etmək istəyən şəxslər müvafiq məlumatları aşağıdakı cədvəldən əldə edə bilərlər.

Ustad dərslərinin cədvəli
№	Gün	Keçirilmə yeri	saat
	27.02.2020	Bakı şəhər G.Şaroyev adına 35 nömrəli Onbirillik Musiqi Məktəbi ünvan: Bakı şəhəri, N.Şahbazov küçəsi, 42 tel. (012) 440-67-50	10.00-12.00 14.00-17.00
	28.02.2020	Bakı şəhər T.Quliyev adına 12 nömrəli Onbirillik Musiqi Məktəbi ünvan: Bakı şəhəri, Y.İbrahimbəyli küçəsi, 6 tel: (012) 492-25-53	10.00-12.00 14.00-17.00
	29.02.2020	Sumqayıt şəhər Bülbül adına 2 nömrəli Uşaq İncəsənət Məktəbi ünvan: Sumqayıt şəhəri, 9-cu mikrorayon, Koroğlu küçəsi, 373 tel.: (018) 642-16-27	10.00-12.00