Art

“Oskar 2021” təxirə salına bilər

20 May 2020 13:30

Amerika Film Akademiyasının üzvləri növbəti Oskar mərasiminin 2021-ci ilin fevralından daha sonrakı tarixə keçirilməsi barədə düşünür.

Publika.az xəbər verir ki, bu barədə “Variety” məlumat yayıb. Bildirilib ki, mükafatın ABC kanalında yayımlanmasının tarixi və vaxtı dəyişməyib. 93-cü Akademiya Mükafatları ənənəvi olaraq fevral ayına təyin edilib. Film Akademiyasının məlumatına görə, mükafatlandırma mərasimi 28 fevral 2021-ci ildə keçirilməlidir. Lakin istisna olunmur ki, koronavirus pandemiyasından dolayı növbəti mərasim təxirə salına bilər.

Xatırladaq ki, pandemiya səbəbindən Oskar film mükafatının təşkilatçıları seçim qaydalarını dəyişməyə qərar vermişdilər.