Avropa ABŞ-a təslim olur – Rusiyaya ağır zərbə VURULA BİLƏR

Avropa Komissiyası ABŞ-dan mayeləşdirilmiş təbii qazın Avropa ölkələrinə ixracını artırmağı və lazımı infrastrukturu genişləndirməyi təklif edib.

Publika.az xəbər verir ki, bu haqda diplomatik mənbəyə istinadən “RİA-Novosti” agentliyi bildirib.

Brüssel buna əvəz olaraq Vaşinqtonun Avropa ölkələrindən idxal etdiyi polad və alüminiuma tətbiq etdiyi rüsumların ləğvini gözləyir.

Xatırladaq ki, daha əvvəl ABŞ-ın Dövlət Departamentinin energetika şöbəsinin direktor müavini Sandra Oudkirk Birləşmiş Ştatların “Şimal axını -2” qaz kəməri layihəsinin reallaşdırılmasına qarşı sanksiyaları tətbiq edə biləcəyini bildirib.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

ABŞ prezidenti Donald Tramp ötən il Şərqi Avropa ölkələrinə Birləşmiş Ştatlardan maye qaz almağı təklif edib və bunun Rusiya qazından daha etibarlı enerji mənbəyi olduğunu deyib. Tramp ABŞ maye qazının qəbulu üçün nəzərdə tutulan terminalın mümkün qədər tez tikilməsinə çağırıb. Hazırda Şərqi Avropa qazı əsasən "Qazprom”dan alır. Trampın təşəbbüsünün reallaşdırılması Rusiya inhisarçısının mövqelərini ciddi zəifləyə bilər.

Ömər Dağlı