• USD 1,7000 0,00% EUR 1,8883 0,00%
    • GBP 2,2364 0,00% RUB 0,0267 0,00%

ABŞ və Böyük Britaniya “Qiyamət"in qarşısını belə alacaq - VİDEO

  • Avropa
  • 26 İyul 2018 08:35
  • 1 743 Baxış
ABŞ və Böyük Britaniya “Qiyamət"in qarşısını belə alacaq - VİDEO

ABŞ və Böyük Britaniya hərbçiləri Rusiyanın “Poseydon” atom sualtı pilotsuz dronunua qarşı sualtı cihazlar və qayıq əleyhinə təyyarələrdən istifadə edə bilər.

Publika.az xəbər verir ki, bu haqda “Covert Shores” nəşri yazıb.

Məsələn, Rusiya pilotsuz dronunun aşkar edilməsi sualtı “Dronov ACTUV”-un (Anti-Submarine Warfare Continuous Trail Unmanned Vessel) köməyi ilə mümkündür. Bundan başqa, sualtı cihazlar şəbəkəsindən istifadə etmək olar. Belə cihazları “Boeing P-8 Poseidon” sualtı qayıqlara qarşı kəşfiyyat təyyarələrinin göyərtəsindən endirilə bilər.

Qeyd edək ki, əvvəlcə “Status-6” kimi məşhur olan “Poseydon” pilotsuz sualtı aparatının hazırlaması haqqında məlumat ilk dəfə 2015-ci ilin noyabrında yayılıb. Rusiya prezidenti Vladimir Putin bu il martın 1-də Federasiya Şurasına illik müraciətində belə silahın mövcudluğunu rəsmən təsdiq edib.

“Poseydon” dəqiq taktik-texniki xarakteristikaları rəsmən açıqlanmır. Yalnız məlumdur ki, nüvə enerjisi ilə təchiz edilmiş sualtı aparat qeyri-məhdud məsafədə dərinliyə hərəkət etməyə qadirdir, kütləvi məhvedici silahdır və rəqibin iqtisadi obyektlərinin məhv edilməsi üçün nəzərdə tutulub.

Rusiyanın Müdafiə Nazirliyindən bildirilib ki, “Poseydon” okean sularının istənilən istiqamətlərində ehtimal edilən rəqibin təyyarədaşıyan və gəmi zərbəçi qrupları ilə mübarizə aparmağa, qitələrarası uzaqlıqda rəqibin sahil infrastrukturunun obyektlərini vurmağa imkan verəcək.

Ötən həftə Rusiya Silahlı Qüvvələrinin Baş qərargah başçısının məsləhətçilər qrupunun aparıcı analitiki İqor Kasatonov bildirib ki, “Poseydon” pilotsuz dronunun sınaqları son mərhələyə yaxınlaşıb. Kasatonovun sözlərinə görə, “Poseydon”un texniki xarakteristikaları sualtı dronu rəqib üçün əlçatmaz edir.

“Poseydon” sualtı aparatının texniki parametrləri onun möhkəmliyini təsdiq edir. Sualtı dron böyük dərinliyə enməsi, yüksək sürəti, həmçinin rəqib üçün gözlənilməz hərəkətin marşrutu ilə seçilir”, - o bildirib.

Daha əvvəl Rusiyanın müdafiə sənayesi kompleksindən olan mənbələr məlumat yayıb ki, “Poseydon” sualtı pilotsuz aparatları 2027-ci ilədək Rusiya Hərbi Dəniz Donanmasının silahlanmasına qəbul ediləcək.

““Poseydon” aparatları 2027-ci ilədək dövlət silahlanması proqramına daxildir və proqramın bitməsinədək döyüş heyətinə daxil edilməlidir. Onun tərkibinə bir neçə sürətli dərinlik torpedası daxildir. Bu torpedalar kiçik ölçülü nüvə enerjisi qurğuları ilə təchiz edilib”, - deyə məlumatda bildirilirdi.

Həmçinin qeyd edilir ki, onların daşıycısının “Sevmaş”da olan atom sualtı gəmisinin olması nəzərdə tutulub.

“Poseydon” nüvə başlıqları ilə təchiz oluna bilər.

Məlumata əsasən, çoxməqsədli “Poseydon” dəniz sisteminin torpedosuna maksimal gücü trotil ekvivalentində iki meqatona qədər olan müxtəlif nüvə başlıqları quraşdırmaq olur.

Mənbə bildirib ki, nüvə başlıqla təchiz olunduqda aparatın təyinatı ilk növbədə potensial düşmənin hərbi dəniz istehkamlarını məhv etmək olacaq. Onun təbirincə, atom enerji qurğusu hesabına “Poseydon” qitələrarası məsafədə bir kilometrdən çox dərinlikdə 110-130 km saat sürətlə hərəkət edə biləcək.

Böyük Britaniya bu ilin aprelində “Status-6”-nı “Qiyamət günü”nun silahı adlandırdı.

Ömər

Xəbər lenti

DAHA ÇOX XƏBƏR