• USD 1,7000 0,00% EUR 1,8477 +0,02%
    • GBP 2,1073 +0,64% RUB 0,0227 +0,88%

NATO-nun fövqəladə toplantısında Türkiyə ilə bağlı MÜHÜM QƏRAR VERİLDİ

  • Avropa
  • 28 Fevral 2020 15:39
  • 11 780 Baxış
NATO-nun fövqəladə toplantısında Türkiyə ilə bağlı MÜHÜM QƏRAR VERİLDİ

Bu gün Türkiyənin tələbi ilə keçirilən NATO-nun fövqəladə toplantısı başa çatıb.

Publika.az
xəbər verir ki, 1 saat 10 dəqiqə davam edən tədbirdə çıxış edən NATO baş katibi Jens Stoltenberq Türkiyəyə dəstək verəcəklərini açıqlayıb.

“Müttəfiqlər Türkiyənin dünən gecə İdlibdə hücuma məruz qalması və itkilər verməsindən narahatdır. Biz bu hücumu qınayırıq. Hücumu Bəşər Əsəd gücləri həyata keçirib. Hücumun dayandırılmasını, beynəlxalq hüquqa əməl edilməsini və BMT-nin dəstəklədiyi sülh prosesinin davam etməsini istəyirik. 2018-ci ildə əldə edilmiş atəşkəsə əməl edilməlidir. Əməl edilməsə, humanitar böhran daha da pisləşəcək. Hazırda İdlibdə qalanlar üçün vəziyyət pisdir. NATO Türkiyənin yanındadır, Türkiyə bizim çox qiymətli müttəfiqimizdir”, - baş katib bildirib.

J.Stoltenberq NATO-nun qəbul etdiyi qərarı açıqlayıb.

“NATO-nun qərarına görə Türkiyəyə dəstəyi müxtəlif istiqamətlərdə olacaq. Bunlardan biri hava yolları ilə bağlıdır. Bu da Suriyadan gələn hava hücumlarının qarşısını alacaq. Bununla yanaşı, NATO cənub-şərq sərhədini qorumağa davam edəcək”, - o bildirib.

...

NATO bu gün fövqəladə iclas keçirəcək.

Publika.az xəbər verir ki, qurumdan verilən açıqlamaya əsasən, baş katib Yens Stoltenberq NATO-nun Türkiyənin 4-cü maddə çərçivəsində tələbi ilə toplaşacağı barədə məlumat verib.

İclasda 29 ölkənin daimi nümayəndələri iştirak edəcək.

Vaşinqton anlaşmasının 4-cü maddəsi bir ölkənin ərazi bütövlüyünün siyasi təhlükə altında olması vəziyyətində həmin aktora quruma üzv ölkələri məsləhət iclasına çağırmaq hüququ verir.

Asif

Halal Nemət

Xəbər lenti

DAHA ÇOX XƏBƏR