• USD 1,7000 0,00% EUR 1,9248 +0,44%
    • GBP 2,1509 +0,53% RUB 0,0240 0,00%

Çimərliklər açılır - Yeni qadağalar məlum oldu

  • Avropa
  • 29 May 2020 14:40
  • 628 Baxış
Çimərliklər açılır - Yeni qadağalar məlum oldu

Türkiyədə iyunun 1-dən parklar, kafelər, restoranlar, hovuzlar və çimərliklər rəsmi olaraq açılacaq.

“Report” “RİA Novosti”yə istinadən xəbər verir ki, fəaliyyətini bərpa edəcək həmin müəssisələr yeni qaydalarla işləyəcək.

Bildirilib ki, Konyaaltı rayonunda yerləşən, uzunluğu 6 km-dən çox olan Antalya çimərliyi 4 günlük komendant saatından sonra yeni şəraitdə fəaliyyətə başlayıb.

Məlumata görə, bir ailə doqquz kvadratmetrlik sahədə günəş çarpayıları quraşdıra biləcək. Hər turistdən sonra onun olduğu yer azı 20 dəqiqə boş qalmalı və dezinfeksiya edilməlidir. Turistlərə öz məhrabalarında günəş vannası qəbul etmək və istədikləri yerdə dincəlmək qadağan olunacaq. Bundan sonra çimərlikdə siqaret çəkmək qadağandır. Çünki xidmətçilərin səhhəti üçün siqaretlərin qalığını təmizləmək əlavə risk sayılır. Qəlyan çəkmək də qadağalar siyahısına düşüb.

İcazə verilmiş su idmanı məlum deyil. Ancaq dəniz gəzintisinə icazə veriləcək.

Türkiyədə antikoronavirus sertifikatlaşmasından keçən otellərin iyundan fəaliyyətə başlamasına icazə verilsə də, işə başlamaqla bağlı son sözü sahibkarlar deyəcək. Beynəlxalq hava reysləri mərhələli şəkildə bərpa olunacaq. Əvvəlcədən dərc edilən qrafika əsasən, Rusiyadan olan reyslər iyulun 15-dən qəbul ediləcək.

Halal Nemət

Xəbər lenti

DAHA ÇOX XƏBƏR