Avropa

Hakerlər hücum etdi, qadın ÖLDÜ

18 Sentyabr 2020 05:15

Almaniyanın Düsseldorf şəhərində bir universitet klinikasına hücum xəstənin ölümü ilə nəticələnib.

Publika.az "N24" telekanalına itinadla xəbər verir ki, hakerlər klinikanın kompüter şəbəkələrinə hücum edərək külli miqdarda pul əldə ediblər.

Xəstəxananın kompüter sistemi çöküb. Bu zaman xəstələrdən birini təcili olaraq başqa bir xəstəxanaya aparsalar da, onun həyatını xilas etmək mümkün olmayıb, qadın yolda ölüb.

Almaniya Daxili İşlər Nazirliyinin verdiyi məlumata görə, son vaxtlar hakerlər ticarət təşkilatlarına və sosial əhəmiyyətli obyektlərə daha çox hücum etməyə başlayıblar. Onlar kompüter şəbəkəsini pozmaqla hədələyərək pul tələb edirlər.