Çarx tərsinə fırlandı: Aİ-dən ilhamlanan İsveçrə Rusiyaya qarşı...

İsveçrə hökuməti Aİ-nin altıncı məhdudlaşdırıcı tədbirlər paketinə bənzətməklə, Ukraynaya qarşı təcavüzə görə Rusiyaya sanksiyalar tətbiq edib.

Publika.az xəbər verir ki, bu barədə İsveçrə Federal Şurasının press-relizində deyilir.

"İyunun 29-da qəbul edilən qərarla İsveçrə Rusiyanın Ukraynaya davam edən hərbi təcavüzünə cavab olaraq iyunun 3-də Avropa İttifaqı tərəfindən görülən yeni tədbirləri həyata keçirəcək (altıncı sanksiyalar paketi)", - məlumatda deyilir.

Qeyd olunur ki, sanksiyalara xam neft və Rusiya mənşəli bəzi növ neft məhsullarına embarqo daxildir.

“Aİ-nin tədbirləri ilə analoji olaraq, İsveçrədə və ya onun daxilində (bu məhsulların – red.) alınması, idxalı, tranziti və daşınması qadağandır”, - məlumatda deyilir.

İsveçrə hökuməti Avropa İttifaqında olduğu kimi, keçid dövrlərindən sonra İsveçrədə də neft embarqosunun 2023-cü ilin əvvəlinə qədər mərhələli şəkildə tətbiq ediləcəyini bildirib.

Bundan başqa, maliyyə sektorunda şirkətlərə audit və konsaltinq xidmətlərinin göstərilməsi, o cümlədən Rusiyanın bir sıra KİV-lərində, o cümlədən "Russia Today" və "Sputni"də məhsulların reklamı qadağandır.

Sənəd iyunun 29-da Bakı vaxtı ilə saat 20:00-da qüvvəyə minir.

İyunun 10-da İsveçrə hökumətinin Ukraynaya qarşı təcavüzə görə Rusiya və Belarusa qarşı sanksiyaları genişləndirdiyi və bu sanksiyaları Aİ-nin bu ölkələrə qarşı altıncı məhdudlaşdırıcı tədbirlər paketi ilə sinxronlaşdırdığı bildirilib.

Hüseyn İbadlı