Almaniya Ukraynaya daha 4 "Gepard" zenit silahı verdi

Ukrayna Silahlı Qüvvələri Almaniyadan daha dörd "Gepard" özüyeriyən artilleriya qurğusu alıb.

Publika.az xəbər verir ki, bu barədə Almaniya hökumətinin saytında məlumat verilib.

Almaniya Müdafiə Nazirliyi təhvil verilən "Gepard"ların sayının hazırda 12 ədədə yüksəldiyini qeyd edib. Son bir neçə gündə “Gepard”a və üç zirehli təmir-evakuasiya maşınına 49 min mərmi çatdırılıb.

Bundan əlavə, son bir həftə ərzində Almaniya Silahlı Qüvvələrə on yüksək hərəkət qabiliyyətinə malik çoxməqsədli təkərli avtomobil, səkkiz pilotsuz təyyarə əleyhinə cihaz, səkkiz mobil yerüstü radar və termal görüntüləmə aparatı və bir neçə tibbi soyuducu tədarük edib.

İlk zenit özüyeriyən artilleriya qurğuları bu ilin iyulunda Ukraynaya göndərilib. Bundan əvvəl Ukraynaya ümumilikdə 30 "Gepard" qurğusunun verilməli olduğu bildirilib.

"Gepard" qurğuları 100 metrdən 4 km-ə qədər olan hədəfləri vurur. Ekipaj cəmi 3 nəfərdən ibarətdir: sürücü, komandir və topçu. Uzun müddətdir ki, zenit qurğusu Almaniya, Hollandiya və Belçika ordularının hava hücumundan müdafiəsinin son dərəcə vacib elementi idi. Lakin 2000-ci illərdə o, tərk edildi. İndi dünyanın digər ölkələrində istifadə olunur.

Bu komplekslər aşağı və ultra aşağı hündürlüklərdə rotor və təyyarələrin hücumlarından mühüm infrastruktur obyektlərini əhatə edəcək.

Hüseyn İbadlı