Ukrayna BU TARİXDƏ NATO-ya üzv ola bilər

Ukrayna baş nazirinin müavini Olqa Stefanişina bildirib ki, Kiyev Rusiyanın ölkəyə hərbi təcavüzü başa çatana qədər NATO-ya üzv olmaq imkanı əldə edə bilər.

Publika.az xəbər verir ki, o, bu barədə "European Truth"a müsahibəsində danışıb.

Stefanişina xatırladıb ki, Kiyev dəfələrlə alyansa qəbul olunmaq üçün müraciət edib.

"İndi Brüssel qərar verməlidir. Mən təfərrüatlara varmaq istəmirəm, amma NATO-ya daxil olmağımızla bağlı qərar hətta Rusiyanın Ukraynada apardığı müharibə bitməmiş verilə bilər ", - o qeyd edib.

Eyni zamanda, siyasətçi silahlı münaqişədə iştirak edən və ya ərazi mübahisəsi iştirakçısı olan ölkənin alyansa qoşulmaq hüququnun olmaması fikri ilə də razılaşmayıb:

"Bu, doğru deyil. NATO-nun keçmiş baş katibi Rasmussen bunun həyata keçirilə biləcəyi düsturlar təklif etmişdi" - siyasətçi əlavə edib.

Bundan əvvəl Pentaqonun rəhbəri Lloyd Ostin gələcəkdə Ukraynanın NATO-ya daxil ola biləcəyini söyləyib. O, əmin edib ki, alyans "açıq qapılar" siyasətindən əl çəkməyəcək. "Mən həqiqətən inanıram ki, gələcəkdə belə bir fürsət olarsa, Ukrayna NATO-ya üzv olmaq üçün yenidən müraciət etməyə çalışacaq", - o vurğulayıb.

Akqabay