Ukrayna İran səfirini ÖLKƏDƏN QOVDU

Ukrayna Xarici İşlər Nazirliyi İranın Ukraynadakı müvəqqəti işlər vəkilinə İranın Ukraynadakı səfirini akkreditasiyadan məhrum etmək və səfirliyin diplomatik işçilərinin sayını əhəmiyyətli dərəcədə azaltmaq qərarı barədə məlumat verib.

Publika.az xəbər verir ki, bu barədə Ukrayna Xarici İşlər Nazirliyinin bəyanatında deyilir.

“Ukrayna Prezidentinin Rusiya qoşunlarının Ukrayna ərazisində İran istehsalı olan silahlardan istifadə etməsi faktlarına cavab vermək üçün təcili tədbirlər görmək tapşırığını yerinə yetirmək məqsədi ilə sentyabrın 23-də İran İslam Respublikasının Ukraynadakı müvəqqəti işlər vəkili Ukrayna Xarici İşlər Nazirliyinə çağırılıb”, - nazirlikdən bildiriblər.

İran tərəfinə bildirilib ki, Rusiya qoşunları tərəfindən Ukraynanın mülki əhalisinə və Müdafiə Qüvvələrinə qarşı sonrakı istifadə üçün İran silahlarının Rusiyaya tədarükü birbaşa olaraq İranın ali rəhbərliyi tərəfindən Ukraynanın neytrallığı, suverenliyi və ərazi bütövlüyünə hörmət mövqeyi ilə ziddiyyət təşkil edir.

“Ukraynaya qarşı müharibə aparmaq üçün Rusiyaya silah verilməsi Ukrayna və İran arasında münasibətlərə ciddi zərbə vuran qeyri-dost hərəkətdir”, - bəyanatda vurğulanır.

Xarici İşlər Nazirliyindən bildirilib ki, Ukrayna tərəfi bu cür qeyri-dost hərəkətə cavab olaraq İranın Ukraynadakı səfirini akkreditasiyadan məhrum etmək, habelə İranın Kiyevdəki səfirliyinin diplomatik işçilərinin sayını xeyli azaltmaq qərarına gəlib.

Hüseyn İbadlı